Се тргна од срцето, од музиката, од емоцијата, од креативната страст.Ателје Антонија, by Antonija Ristovska
Уште кога размислував каква колекција сакам да направам за модерната жена првата мисла што ме водеше беше колекцијата да биде оригинална, да бидат креации кои ке привлекуваат и кои ќе носат минато во себе. Чудесната фотографија на Мен Реј и неговата муза Кики де Монпарнас ми беа импулс на инспирација и експресија на креативност. Изразната форма на уметникот го дистанцира во сопственото творење, го ниша и флуктуира низ изразните форми и ја дефинира неговата оригиналност.
Длабочината на црната боја и играта на транспарентни и густи структури му ја даваат рустичноста на црниот фустан. Асиметријата и апстрактните форми во играта на бои на текстурата на свилата во комбинацијата на транспарентно-црната глазирана свила врз лелеавата кралско-плава боја, смарагдно-зелената структура на плтената чипка, бојата на модра слива тонирана со преливи на шеќер боја и жолта ја прават колекцијата флуидна и мека. А Виолинскиот клуч, музичките ноти, музичкото петолиние во нивната правилна и стилизирана форма се мотивите кои осцилираат во нивните изразни форми.
Во колекцијата доминираат фустани кои газат по линијата на гламурот и екстраваганцијата. Фустани кои ја слават музиката во жената.
Колекцијата за прв пат ке биде видена со ексклузувна веб - ревија и на која сите вие ке бидете гости во првиот ред.
Најновата колекцијата за прв пат во Македонија ке биде видена и претставена со ексклузувна веб - модна ревија на линкот http://www.youtube.com/watch?v=n66AyaBynZw на која сите вие ке бидете гости во првиот ред .
Веќе неколку години е дел од Модната агенција Моделс Ин, а покрај модата професионално се занимава и со атлетика. Член е на етлетскиот клуб Изгрев од Велес. Трча на 100 и 200 метри и дисциплината скок во далечина. Како поголеми успеси му се: освоено 2-ро место на државно првенство за млади до 19 години, 3-то место на државно првенство за сениори на 100м, 2-ро место на дисциплината скок во далечина на државно првенство за младинци до 19 години.
